कार्यवाहक प्रधानमन्त्रीको जिम्मेवारी बालकृष्ण खाणलाई

 प्रधानमन्त्री शेरबहादुर देउवा भारत भ्रमणमा गएसँगै कार्यवाहक प्रधानमन्त्रीको जिम्मा गृहमन्त्री बालकृष्ण खाणले पाएका छन् ।

प्रधानमन्त्री  देउवा तीन दिने भ्रमणको क्रममा आज भारत प्रस्थान गरेका हुन् । देउवा स्वदेश नफर्किँदासम्म खाणलाई प्रधानमन्त्रीको जिम्मेवारी सम्हाल्न दिइएको हो ।

प्रधानमन्त्रीको दैनिक प्रशासनिक कार्य सम्हाल्ने गरी देउवाले सिफारिस गरे अनुसार गृहमन्त्री खाणलाई जिम्मेवारी तोकिएको बताइएको छ ।