May 12, 2022

एनएफटी बेचेर १२ वर्षे बालक बने १२ करोडको मालिक

Mar 09 , 2022

काठमाडौं । एनएफटी अर्थात् नन-फन्जिबल टोकनबारे तपाईंलाई पक्कै थाहा होला । पछिल्लो समय विश्व बजारमा एनएफटीले तहल्का मच्चाइरहेको छ । यो प्रविधिलाई डिजिटल चित्रकारिता र कला क्षेत्रमा एउटा आमूल परिवर्तन मानिन्छ ।

यसको प्रयोग गरेर पश्चिमा देशमा डिजिटल सम्पत्तिको किनबेच धेरै नै भइरहेको छ । यसैबाट मानिसले मनग्गे कमाइरहेका छन् । आज हामी यस्तै रोचक कथा सुनाउँदै छौं ।

बेलायतका १२ वर्षीय बेन्यामिन अहमद अहिले ‘क्रिप्टो एक्सपर्ट’का रूपमा छाएका छन् । सानै उमेरमा प्रविधि बुझ्दा उनी सात लाख ५० हजार डलर पाउन्ड (४८ करोड रूपैयाँ भन्दा बढी) सम्पत्तिको मालिक बनेका छन् ।

सन् २०१० मा पश्चिम बेलायतमा बेन्यामिन जन्मिएका थिए । उनका बुवा कम्प्युटर प्रोग्रामर र आमा शिक्षिका हुन् ।

बुवा इमरानबाट पाँच वर्षकै कलिलो उमेरमा कोडिङ सिकेका बेन्यामिन १२ वर्ष पुग्दा करिब ४८ करोडभन्दा बढीको मालिक भइसकेका छन् ।

उनले गत वर्ष एनएफटी कलेक्सन ‘weird whales’ सार्वजनिक गरी बिक्रीमा राखे । बिक्रीमा राखेको केही घन्टामै उनको पहिलो आर्टवर्क एक लाख ४४ हजार डलरमा बिक्री भयो ।

त्यस्तै अन्य आर्टवर्क बिक्री गर्दा केही महिनामा उनले नाै लाख ८० हजारभन्दा बढी डलर बराबरको इथेरियम आम्दानी गरे । उनको आफ्नो बैङ्क खाता नभएकाले आफूले जम्मा गरेको रकमबाट कत्ति पनि पैसा निकालेका छैनन् ।

एनएफटीबारे उनले अक्सफोर्ड विश्वविद्यालयमा लेक्चर समेत दिइसकेका छन् । अहिले अन्य व्यक्तिले किन्दै बेच्दै गर्दा उनकाे एनएफटीले ५० लाख डलरभन्दा बढीकाे व्यापार गरिसकेकाे छ ।

आफूले सानै उमेरमा एनएफटीका बारेमा बुझेपनि यसबारे धेरैले नबुझेको उनी बताउँछन् । उनलाई चिनिसकेपछी धेरै मानिसले एनएफटीबारे चासो राखेका छन् । यसबाट आफूलाई खुसी लागेको उनी बताउँछन् ।

उनले आगामी दिनमा थुप्रै मानिसलाई यसबारे जानकारी दिने सोच बनाएका छन् । आफूलाई करोडपति बनाउने क्रिप्टो र एनएफटीका बारेमा डेली मेलसँग बोल्दै उनी भन्छन्, ‘अबको भविष्य क्रिप्टो र एनएफटीमा नै छ । यदि कुनै पनि उद्योग डिजिटल भएर अगाडि बढ्यो भने त्यसले राम्रै प्रगति गर्छ ।’

एनएफटीको दुनियाँमा केही कुराको भेद नरहेको भन्दै बेन्यामिनले अगाडि भने ‘याे धनी-गरिब, स्थापित भइसकेका वा नभएका सबैका लागि उपयुक्त छ । यसमा सबैभन्दा बढी समर्पण आवश्यक पर्छ । जसले समर्पण गर्न सक्यो, उसले नै यो क्षेत्रमा प्रगति गर्छ ।’