May 11, 2022

एप्पल वर्ल्डको ‘भ्यालेन्टाइन डे’ अफर, पुरानोसँग नयाँ मोबाइल साट्न सकिने

Feb 14 , 2022

काठमाडौं । दरबारमार्गस्थित मर्कन्टाइल प्लाजामा रहेको एप्पल वर्ल्ड मोबाइलले ‘भ्यालेन्टाइन डे’ को अवसरमा नयाँ तथा पुराना मोबाइलको एक्सचेञ्ज अफर सञ्चालनमा ल्याएको छ । यस योजना अन्तर्गत कम्पनीले पुराना मोबाइलको मूल्याङ्कन गरी त्यसका आधारमा ग्राहकलाई नयाँ मोबाइल उपलब्ध गराउने छ ।

कम्पनीका अनुसार यो योजनामा १० हजारदेखि दुई लाख ७५ हजार रुपैयाँसम्मका विभिन्न ब्राण्डका मोबाइल एक्सचेञ्ज तथा खरिद गर्न सकिनेछ ।

एप्पल, सामसङ, नोकिया, साओमी, वनप्लस, भिभो, ओप्पो, कुल प्याड लगायतका मोबाइल ब्राण्डमा यो अफर लागू हुने जनाइएको छ ।

यसका लागि मोबाइल एक्सचेञ्ज गर्न आउने ग्राहकले नागरिकताको प्रतिलिपि बुझाउनुपर्ने एप्पल वर्ल्डका प्रमुख कार्यकारी अधिकृत निराजन मल्लले बताए ।

उनले भने, ‘जोडीले नै दुईवटा मोबाइल खरिद वा एक्सचेञ्ज गर्दा मोबाइलको मूल्य अनुसार स्पिकर, हेडफोन, इयर पड लगायतका उपहार निःशुल्क पाउनेछन् ।’

उनका अनुसार यो अफर फागुन १ गतेदेखि एक सातासम्म सञ्चालन हुनेछ । साथै एकैपटक रकम भुक्तानी गर्न नसक्ने सेवाग्राहीले किस्ताबन्दीमा शुन्य प्रतिशत ब्याजदरमा मोबाइल तथा अन्य उपकरण खरिद गर्नसक्ने छन् ।

त्यतिमात्रै नभएर कम्पनीले ६० मिनेटभित्रै जस्तोसुकै समस्या भएका मोबाइलको मर्मत गर्ने सुविधा ‘६० मिनेट फेस टु फेस सर्भिस’ पनि सेवाग्राहीलाई उपलब्ध गराएको छ ।

 

Facebook Notice for EU! You need to login to view and post FB Comments!