नेतृत्वमा को पुग्नेभन्दा पनि कस्तो कांग्रेस बनाउने भन्ने महत्वपूर्ण छ: शेखर कोइराला

नेपाली कांग्रेसका नेता शेखर कोइरालाले नेतृत्वमा को पुग्नेभन्दा पनि कस्तो कांग्रेस बनाउने भन्ने महत्वपूर्ण हुने बताएका छन्।

उनले महाधिवेशन र प्रदेश सभा क्षेत्रीय प्रतिनिधिलाई नेतृत्व चयन गर्दा विवेक पुर्‍याउन पनि आग्रह गरेका थिए।

‘को नेतृत्वमा पुग्छभन्दा पनि कस्तो कांग्रेस निर्माण गर्ने भन्ने गहन जिम्मेवारी प्रतिनिधि साथिहरूको विवेकमा भरपर्छ,’ प्रदेश १ को अधिवेशन उद्घाटन समारोहमा आज विराटनगरमा कोइरालाले भने।

उनले पार्टीलाई गतिशील बनाउन र ऊर्जाशील बनाउन नयाँ पुस्ता र विचारसमेत आवश्यक पर्ने बताए।