शुक्रबारदेखि देशैभर भारी वर्षाको सम्भावना, आजैबाट सावधानी अपनाउन सुझाव

काठमाडौं । आगामी शुक्रबारदेखि देशैभर भारी वर्षा तथा बाढीको सम्भावना रहेको मौसमविद्हरुले बताएका छन् । मौसमविद्हरुले त्यसबाट बच्न अहिलेदेखि नै तयारी थाल्न पनि आग्रह गरेका छन् ।

मौसम पूर्वानुमान महाशाखाका मौसमविद् वरुण पौडेलले शुक्रबार मनसुनको न्यून चापीय रेखा नेपालनजिकै आइपुग्ने भएकाले मुलुकभर वर्षाको सम्भावना रहेकाले अहिलेदेखि नै सावधानी अपनाउन आग्रह गरे ।

उता, बाढी पूर्वानुमान महाशाखाले २६ असारदेखि २९ असारसम्म देशैभरका ठूला, मझौला र साना नदीमा ठूलो बाढीको सम्भावना रहेको जनाएको छ ।