तरकारी पसलमा उच्च सुरक्षा सतर्कता

पसल सञ्चालकले ग्राहक आएर कहाँ बस्ने भनेर रेखांकन गरिदिएका छन् । तीन फिट फरकको दुरीमा गोलाकार रेखांकन गरिएको छ । रेखांकनमा बसेर पालैपालो पसलको काउन्टरसम्म पुग्न सकिनेछ । त्यहाँ जाने सबैलाई माक्स अनिवार्य गरिएको छ ।

पसलमा ह्याण्ड स्यानिटाइजर पनि राखिएको छ । ग्राहकका लागि मात्रै होइन पसलका सञ्चालक आफैं पनि उच्च सुरक्षा सतर्कता अपनाएका छन् । हातमा पञ्जा, मुखमा मास्क मात्रै होइन अनुसार छेक्नका लागि सीसाको भाइजरसमेत लगाएका छन् ।

परबाटै सामान दिन्छन्, परैबाट पैसा लिन्छन् । वसन्तपुरको झोंछेमा रहेको एउटा खाद्यान्न पसलमा पनि यस्तै सुरक्षा सतर्कता अपनाइएको छ ।