पशुपति वनकाली क्षेत्रमा चक्कु प्रहार हुँदा युवकको मृत्यु

पुस ७, काठमाडौं । पशुपति वनकाली क्षेत्रमा बुधवार साँझ चक्कु प्रहार हुँदा एक युवकको मृत्यु भएको छ ।

मृत्यु हुनेमा सुनसरी धरान घर भइ हाल बालाजुमा बस्दै आएका १९ वर्षीय सोनाम तामाङ छन् । सोनामको उपचारको क्रममा केएमसी अस्पताल सिनामंगलमा मृत्यु भएको प्रहरीले जनाएको छ ।

त्यस्तै घटनामा सोनामका साथी १८ वर्षका विजय गुरुङ घाइते भएका छन् । उनको टाउको र कोखमा चोट लागेको छ ।

चक्कु प्रहार गरी फरार रहेका युवाहरु समूहको खोजीकार्य तीव्र पारिएको र चाँडै नै नियन्त्रण लिने गौशाला प्रहरीका डीएसपी नवराज कार्कीले बताउनुभयो ।